კლინიკური ლაბორატორია

კლინიკაში "კონსილიუმ მედულა" ლაბორატორიული კვლევები 2003 წლიდან ხორციელდება ლაბორატორია SMO Pharmina-ს მიერ.

ლაბორატორია ჩართულია RFB (Reference Institute for Bioanalytics)-ის გარე კონტროლის სქემებში და აღჭურვილია თანამედროვე, მაღალი ხარისხის, ამერიკული და შვეიცარული აპარატურით.

SMO Pharmina ფლობს ISO სერტიფიკატს ხარისხის მენეჯმენტში. ლაბორატორია მონაწილეობს მრავალ საერთაშორისო კლინიკურ კვლევაში და რეგულარულად გადის სასერტიფიკაციო ორგანოების და საერთაშორისო დამკვეთი ორგანიზაციების შემოწმებას.

ლაბორატორიაში პრე- და პოსტანალიზური შეცდომების რისკი მინიმუმამდეა დაყვანილი. თითოეული პროცედურა სრულდება კვალიფიციური, ტრენირებული სპეციალისტის მიერ, ადგილობრივი და საერთაშორისო სტანდარტების შესატყვისად. ნიმუშის მოძრაობის და პასუხის რეპორტირების სისტემა სრულად ავტომატიზებულია – ყველა ანალიზატორი უკავშირდება შიდა საოპერაციო პროგრამას.

"კონსილიუმ მედულას" ლაბორატორია მუშაობს ყოველდღე, 09:00 საათიდან 17:00 საათამდე. მოქმედებს ბინაზე გამოძახების სერვისი.

ლაბორატორიის ტექნიკური აღჭურვილობა
 

სისხლის საერთო ანალიზატორი Sysmex XN550

მწარმოებელი: Sysmex, იაპონია

მეთოდი: ფლუორესცენტული დინების ციტომეტრია, ციანიდთავისუფალი ემოგლობინის განსაზღვრა (Cyanide Free)

ექვსმაგი  დიფერენცირების + რეტიკულოციტების განსაზღვრა. საჭიროების შემთხვევაში სრულდება სისხლის ფორმიანი ელემენტების: ლეიკოციტური ფორმულის, თრომბოციტების და ერითროციტების მორფოლოგიის მიკროსკოპული კვლევა გამოცდილი ექიმი-ლაბორანტების მიერ. 

Cobas C111

მწარმოებელი: ROCHE Diagnostics

მეთოდი – ელექტროქემილუმინესცენცია

სრულდება სისხლისა და შარდის ბიოქიმიური ანალიზი: გლუკოზა, ღვიძლის ფუნქციური სინჯები, თირკმლის ფუნქციური სინჯები, C-რეაქტიული ცილა, ელექტროლიტების კვლევა, D-დიმერი, გლიკოზირებული ჰემოგლობინი და ა.შ. სრულად ავტომატური, მაღალი სიზუსტის ანალიზატორი.
 

Cobas e411

მწარმოებელი: ROCHE Diagnostics

მეთოდი – ელექტროქემილუმინესცენცია

სრულდება იმუნოლოგიური ტესტები – ფარისებრი ჯირკვლის ჰორმონები, სასქესო ჰორმონები, პროკალციტონინი, ონკომარკერები, D-ვიტამინი, ვიტამინი B12, ფერიტინი. სრულად ავტომატური, მაღალი სიზუსტის მქონე ანალიზატორი.
 

Sysmex CA 660 

მწარმოებელი: Sysmex, იაპონია

მეთოდი: ქრომოგენული, იმუნოლოგიური და შედედების

სრულად ავტომატური კოაგულაციური ანალიზატორი, რომელიც სრული რუტინული კოაგულაციური ტესტების შესრულების გარდა იძლევა საშუალებას  შეასრულოს  სპეციფიური კოაგულაციური ტესტები, როგორიცაა დ-დიმერი, ლუპუს ანტისხეულის და ვილებრანდის ფაქტორის განსაზღვრა.

Sysmex UC 1000

მწარმოებელი: Sysmex, იაპონია

მეთოდი: რეფრექტორული ფოტომეტრია

ნახევრად ავტომატური შარდის საერთო ანალიზატორი. ყველა ანალიზს დამატებით უტარდება შარდის მიკროსკოპული კვლევა.

Radiometer ABL 9

მეთოდი: პირდაპირი იონსელექციური-სისხლის გაზების ანალიზატორი