პაციენტის უფლებები
კლინიკა „კონსილიუმ მედულას“ თითოეული თანამშრომლის უპირველესი მიზანია, აღმოგიჩინონ უმაღლესი ხარისხის სამედიცინო დახმარება. ჩვენთვის მნიშვნელოვანია, რომ:
- დავიცვათ თქვენი უფლებები სქესის, ფინანსური მდგომარეობის, განათლების, რელიგიური მიმდინარეობის, რასის, კანის ფერის, ნაციონალობის, სექსუალური ორიენტაციის, ქორწინების სტატუსის მიუხედავად.
- დავიცვათ თქვენი უსაფრთხოება და პრივატულობა. შევქმნათ უსაფრთხო, დაუდევრობისა და შეურაცხყოფისაგან თავისუფალი გარემო.
- დავიცვათ თქვენი უფლება, იცოდეთ თქვენი მკურნალი ექიმისა და მკურნალობაში ჩართული ყველა პირის ვინაობა და როლი.
- მოგაწოდოთ ინფორმაცია თქვენი დაავადების, მკურნალობის კურსისა და გამოჯანმრთელების პერსპექტივის შესახებ თქვენთვის გასაგებ ენაზე.
- თქვენ უფლება გაქვთ, რომ მოითხოვოთ მკურნალობის გეგმის ცვლილება/ადაპტირება თქვენი სპეციფიკური საჭიროებებისა და შეზღუდვების მიხედვით.
- დავიცვათ თქვენი უფლება მიიღოთ ინფორმაცია, რომ გააზრებულად დაეთანხმოთ/უარყოთ მკურნალობის გეგმა და მიდგომა. ეს ინფორმაცია უნდა მოიცავდეს პროცედურის აღწერას, ალტერნატიული მიდგომების განხილვას, მკურნალობაზე უარის თქმის რისკებს და ა.შ. გამონაკლის შემთხვევას წარმოადგენს სასწრაფო/გადაუდებელი სამედიცინო დახმარება.
- დავიცვათ თქვენი უფლება, აქტიურად იყოთ ჩართული თქვენს მკურნალობასთან დაკავშირებული გადაწყვეტილებების მიღებაში, თუნდაც ეს მკურნალობაზე უარის თქმას ნიშნავდეს.
- კონსულტაციები, დისკუსიები, გასინჯვა, მკურნალობა და ა. შ. პრივატულად უნდა ჩატარდეს. თქვენ უფლება გაქვთ, რომ აგიხსნან, რატომ იმყოფება ესა თუ ის ადამიანი ოთახში.
- დავიცვათ თქვენი მკურნალობისა და მასთან დაკავშირებული ყველა 9 ჩანაწერის კონფიდენციალურობა.
- რეაგირება მოვახდინოთ თქვენს ყველა გონივრულ მოთხოვნაზე.
- თქვენი უფლებაა, იცოდეთ ექიმთან ვიზიტის შემდეგი დრო, ადგილი და მკურნალი ექიმის ვინაობა.
- თქვენი უფლებაა, გაგაფრთხილონ, თუკი ექიმი და სხვა პერსონალი თქვენს კლინიკურ კვლევაში ჩართვას აპირებს. თქვენი უფლებაა უარი განაცხადოთ კვლევაში მონაწილეობის მიღებაზე. უარი არ გამოიწვევს უარყოფით დამოკიდებულებას პერსონალის მხრიდან.
- თქვენი უფლებაა, საავადმყოფოში მოთავსებისას დროულად მოხდეს თქვენთვის სასურველი ოჯახის წევრის/წარმომადგენლის ინფორმირება. თქვენი უფლებაა, გადაწყვიტოთ ვის შეუძლია თქვენი მონახულება და ვის არა. გამონაკლისი შემთხვევებია, როდესაც: არ დაიშვებიან მნახველები ან საავადმყოფოს ადმინისტრაცია თვლის, რომ ამა თუ იმ კონკრეტული ადამიანის ვიზიტი საფრთხეში ჩააგდებს პაციენტის ჯანმრთელობას.
- თუკი კონკრეტული ადამიანის ვიზიტი არ გსურთ, დროულად გააფრთხილეთ ამის თაობაზე საავადმყოფოს ადმინისტრაცია.
- თქვენი უფლებაა, დატოვოთ საავადმყოფო, მიუხედავად ექიმის რჩევისა.
- შეისწავლოთ ქვითარი და მიიღოთ დეტალური განმარტება ხარჯებთან დაკავშირებით.
- მიიღოთ დეტალური ახსნა მკურნალობის შედეგებთან დაკავშირებით, იმ შემთხვევაშიც კი, როდესაც მოსალოდნელი შედეგი არ დადგა.
- მიიღოთ საავადმყოფოდან გაწერის შემდგომი ინსტრუქციები.
თქვენ უფლება გაქვთ:
- მიიღოთ თქვენს მკურნალობასთან დაკავშირებული ამომწურავი ინფორმაცია თქვენთვის გასაგებ ენაზე.
- მიიღოთ თქვენს მკურნალობასთან დაკავშირებული გადაწყვეტილებები, ან განაცხადოთ მკურნალობაზე უარი.
- იცოდეთ მკურნალი ექიმის/ექთნის და სხვა მედპერსონალის ვინაობა.
- მიიღოთ უსაფრთხო სამედიცინო დახმარება.
- გაიყუჩოთ ტკივილი.
- გაეცნოთ თქვენს მკურნალობაში გამოყენებულ ყველა მედიკამენტს.
- რომ მოგისმინონ.
- თავაზიანად და პატივისცემით მოგეპყრონ.
- გაიგოთ მეორე აზრი.
პაციენტის მოვალეობები
თქვენი და თქვენი ოჯახის წევრების მოვალეობებია:
- გამოცხადდეთ ექიმთან დანიშნულ ვიზიტზე. არ გამოცხადების შემთხვევაში წინასწარ დარეკოთ და გააფრთხილოთ ექიმი.
- დეტალურად აღწეროთ თქვენი სამედიცინო ისტორია, ჩივილები, წარსულში გადატანილი დაავადებები, მედიკამენტები (რეცეპტით გამოწერილი, ურეცეპტო, ხალხური მედიცინა და ა.შ.), ალერგიები, შესაძლო რისკები და სხვ.
- დაიცვათ ინსტრუქციები. დასვით კითხვები, რათა დარწმუნდეთ, რომ სრული ინფორმაცია გაქვთ. იყავით გულწრფელი. არ მოგერიდოთ თქმა, რომ რაღაც ვერ გაიგეთ.
- გაიაზროთ, რომ მკურნალობაზე უარის თქმის/ინსტრუქციების დარღვევის შემთხვევაში, პასუხისმგებლობას თქვენ თავზე იღებთ.
- დაემორჩილოთ საავადმყოფოს შინაგანაწესს.
- გამოიჩინოთ სხვა პაციენტების მიმართ თანაგრძნობა და პატივისცემა. დაიცვათ კონფიდენციალურობა და სიჩუმე. სთხოვეთ თქვენს მნახველებს, გააკეთონ იგივე.
- დროულად გადაიხადოთ გადასახადები.
შემუშავებულია "პაციენტის უფლებების შესახებ" საქართველოს კანონისა და საერთაშორისო გაიდლაინების საფუძველზე.
საქართველოს კანონი პაციენტის უფლებების შესახებ სრულად შეგიძლიათ იხილოთ ბმულზე.