ოპერაციის დაფინანსების სხვადასხვა ტიპი არსებობს: სახელმწიფო საყოველთაო დაზღვევა, ჯანმრთელობის ეროვნული სააგენტო, კერძო სადაზღვევო კომპანია, მერია, გამგეობა, რეფერალური პროგრამა. მაქსიმალური დაფინანსების მისაღებად შეგიძლიათ ეტაპობრივად მიმართოთ თითოეულ მათგანს. თუ გაქვთ დამატებითი კითხვები ან გჭირდებათ დახმარება დაფინანსებასთან დაკავშირებით, ჩვენი კლინიკის მენეჯერი დაგეხმარებათ და გასცემს პასუხს ყველა თქვენს შეკითხვას.
დაფინანსებაზე პასუხის მიღება მოითხოვს გარკვეულ დროს. აღნიშნული პერიოდი, როგორც წესი, მოიცავს 1 კვირიდან 2 თვემდე პერიოდს.
კლინიკა "კონსილიუმ მედულა" არის როგორც სახელმწიფო, ასევე, მრავალი კერძო სადაზღვევო კომპანიის პროვაიდერი. დეტალურ ინფორმაციას სადაზღვევო კომპანიებთან დაკავშირებით მოგაწვდიან კლინიკის მენეჯერები.
წინასაოპერაციო პროცედურების გავლის შემდეგ ექიმი, ექიმის ასისტენტი ან კლინიკის საინფორმაციო ცენტრის წარმომადგენელი დაგიკავშირდებათ და შეგატყობინებთ, რომელ დღეს დაიგეგმა თქვენი ოპერაცია და რომელ საათზე უნდა მოხვიდეთ კლინიკაში.
კლინიკა მოგაწვდით ერთჯერად ხალათს, ჩუსტებს და საწოლის თეთრეულს. თან იქონიეთ პირადი ჰიგიენისათვის საჭირო ნივთები (კონკრეტულად მათი გამოყენების შესახებ კონსულტაცია გაიარეთ მკურნალ ექიმთან, რიგ ოპერაციებზე, ჩარევის მიდამოს მიხედვით, აკრძალულია პირადი ჰიგიენის ზოგიერთი საშუალების გამოყენება), გამოსაცვლელი მსუბუქი საღამურები, ხალათი და ჩუსტები. სურვილის შემთხვევაში შეგიძლიათ თან იქონიოთ თქვენთვის სასურველი თეთრეული. ოპერაციის დღეს თან უნდა იქონიოთ ვენების ელასტიური გეტრი (ექიმის მითითებით). აღნიშნულის შესახებ ინფორმაციას მოგაწვდით ანესთეზიოლოგი.
ნახეთ ჩვენი რეკომენდაცია, თუ რა უნდა იქონიოთ თან ოპერაციის დღეს.
ეს დამოკიდებულია ოპერაციის ტიპზე და ხანგრძლივობაზე. თუ მსგავსი საჭიროება არსებობს, ამის შესახებ დეტალურ ინფორმაციას მიიღებთ ოპერაციამდე, ანესთეზიოლოგთან კონსულტაციის დროს.
გარდა გამონაკლისი შემთხვევებისა (მაგ. გლუკოზის გადამეორება ოპერაციამდე და სხვა), ოპერაციამდე ყველა სტანდარტული გამოკვლევა უკვე ჩატარებული გექნებათ.
პაციენტების უმეტესობას ოპერაციის შემდეგ გართულებები არ აღენიშნებათ. თუმცა, ნებისმიერი ოპერაციის დროს არსებობს პოტენციური რისკები, რომელსაც მკურნალი ექიმი ოპერაციამდე გაგაცნობთ.
სტაციონარულ განყოფილებაში გადაყვანის შემდეგ პაციენტის მონახულების საათებია 17:00-19:00. ქვეყანაში არსებული ეპიდსიტუაციის გათვალისწინებით, შესაძლებელია კლინიკაში შეზღუდული იყოს პაციენტის ახლობლების დაშვება.
ახლობლის პალატაში დარჩენა არ შეიძლება, გარდა პაციენტის მდგომარეობის გათვალისწინებით გამონაკლისი შემთხვევებისა. ყველა სხვა სტანდარტულ შემთხვევაში, ახლობელს შეუძლია დარჩეს პალატაში დამატებითი საწოლდღის თანხის გადახდის შემთხვევაში.
თქვენი მკურნალი ექიმი მოგაწვდით საჭირო საკონტაქტო ნომრებს. თქვენ შეგიძლიათ დაუკავშირდეთ მკურნალ ექიმს და ექიმის ასისტენტს.