მკურნალობის დაფინანსება

• მკურნალობის დასაფინანსებლად კლინიკა თქვენს ფორმა # 100 ატვირთავს სახელმწიფო საინფორმაციო პორტალზე. თავად თქვენ არ მოგიწევთ დოკუმენტაციის ჩაბარება.
• დაფინანსების თაობაზე თქვენ მიიღებთ მოკლე ტექსტურ შეტყობინებას (sms) ტელეფონის იმ ნომერზე, რომელიც მითითებულია კლინიკაში რეგისტრაციისას. ნომრის შეცვლის შემთხვევაში მიაწოდეთ ინფორმაცია კლინიკის რეგისტრატურას.
• დაფინანსების მიღების შესახებ აცნობეთ ექიმის ასისტენტს და კლინიკაში ვიზიტისას თან იქონიეთ მოკლე ტექსტური შეტყობინებით მიღებული კოდი. 
• თუ გექნებათ სურვილი, დარჩენილი თანხის დაფინანსებაზე წარადგინოთ ფორმა # 100 კერძო სადაზღვევო კომპანიაში, გამგეობაში ან მერიაში, აცნობეთ ამის შესახებ ექიმის ასისტენტს. თქვენი ექიმი მოგიმზადებთ საჭირო დოკუმენტაციას, ასევე, მოგაწვდით ინფორმაციას შემდგომი ქმედებების შესახებ. 

• რეფერალური დახმარების სახელმწიფო პროგრამის მომსახურების მისაღებად, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის სახელზე უნდა დაწეროთ განცხადება. კლინიკიდან  ადმინისტრირების მოდულზე ატვირთვისას განცხადებას თან ერთვის  მოთხოვნის ფურცელი.
• თქვენ მიიღებთ მოკლე ტექსტურ შეტყობინებას (sms) დაფინანსების თაობაზე, რომელიც უნდა წარმოადგინოთ კლინიკაში. 

• დაფინანსების მიღებისთვის კერძო სადაზღვევო კომპანიებში კლინიკიდან ელექტრონულად გადაიგზავნება ფორმა # 100 და კალკულაცია. 
• დაფინანსების მიღების შესახებ ინფორმაციას მოგაწვდით თქვენი სადაზღვევო კომპანია, რიგ შემთხვევაში, ექიმის ასისტენტიც.
• კლინიკაში ვიზიტამდე სადაზღვევო კომპანიამ უნდა გამოაგზავნოს საგარანტიო წერილი კლინიკის ელექტრონულ ფოსტაზე.

შენიშვნა: თბილისის მერიიდან თანადაფინანსების მოთხოვნა შესაძლებელია მხოლოდ 1.000 ლარზე მეტი ღირებულების სერვისებზე.

• თუ თქვენ გსურთ მოიპოვოთ დაფინანსება თბილისის მერიიდან, კლინიკიდან აიტვირთება ფორმა # 100 და კალკულაცია, თავად თქვენ არ მოგიწევთ დოკუმენტების წარდგენა. 
• თქვენ მიიღებთ მოკლე ტექსტურ შეტყობინებას (sms) დაფინანსების თაობაზე, რომელიც უნდა წარმოადგინოთ კლინიკაში. 

შენიშვნა: თბილისის გამგეობიდან თანადაფინანსების მოთხოვნა შესაძლებელია მხოლოდ 1.000 ლარზე ნაკლები ღირებულების  სერვისებზე.

• თუ თქვენ გსურთ, მოიპოვოთ დაფინანსება თბილისის გამგეობიდან, კლინიკიდან ხელზე გაგატანთ მოთხოვნის ფურცელს, რომელიც თავად უნდა წარადგინოთ გამგეობაში. 
• თქვენ მიიღებთ მოკლე ტექსტურ შეტყობინებას (sms) დაფინანსების თაობაზე, რომელიც უნდა წარმოადგინოთ კლინიკაში. 

• თუ თქვენ გსურთ, მოიპოვოთ დაფინანსება მუნიციპალიტეტის მერიიდან, კლინიკიდან მიგაქვთ ფორმა # 100 და კალკულაცია, რომელიც თავად უნდა წარადგინოთ მუნიციპალიტეტიის მერიაში.
• დაფინანსების მიღების შემთხვევაში, უნდა მიხვიდეთ მუნიციპალიტეტის მერიაში და აიღოთ დაფინანსების საგარანტიო წერილი, რომელიც უნდა წარმოადგინოთ კლინიკაში.