სიახლეები

თორაკოსკოპია

მსოფლიოს წამყვან კლინიკებში ბოლო ათწლეულების განმავლობაში ფართოდაა დანერგილი ენდო-ვიდეო ქირურგიული მკურნალობა, რაც დიდი განაკვეთის გარეშე ე.წ. „უსისხლო ოპერაციას“ გულისხმობს. ასეთი ოპერაციები ხასიათდება ნაკლები ქირურგიული ტრავმით და შესაძლებელს ხდის  პაციენტები მოკლე ვადაში გაეწერონ სტაციონარიდან.

 აღნიშნული მეთოდოლოგიით, ოპერაციები ძირითადად მუცლის არეში კეთდებოდა.  თუმცა ბოლო პერიოდში მსგავსი ტიპის ქირურგიული ჩარევა გულ-მკერდის ორგანოებზე-ფილტვის და შუასაყრის წარმონაქმნები, ასევე წარმატებით მიმდინარეობს. კლინიკა „კონსილიუმ მედულა“ ერთ-ერთი პირველი სამედიცინო დაწესებულებაა საქართველოში, სადაც გულ-მკერდის არეზე ენდო-ვიდეო ქირურგიული ჩარევები, ანუ თორაკოსკოპიული ოპერაციები ტარდება. ოპერაციებს ძირითადად პროფესორი დავით გიორგაძე, კლინიკა „კონსილიუმ მედულას“ ქირურგიული მიმართულების ხელმძღვანელი ატარებს.

საქართველოში თორაკოსკოპიული მეთოდით ოპერაცია პირველად ჩვენს კლინიკაში ჩაუტარდა პაციენტს, რომელსაც მიასთენიის დიაგნოზი ჰქონდა. მიასთენიას, ანუ კუნთების სისუტეს, სუნთქვის და ყლაპვის გაძნელებას იწვევს თიმუსის (მკერდუკანა ჯირკვალი) სიმსივნე. ამ სიმსივნის ამოკვეთა  მხოლოდ  მკერდის ძვლის  გაკვეთით ანუ ღია წესით ხდებოდა, რაც საკმაოდ ტრავმული ოპერაციაა და პაციენტს რეაბილიტაციისთვის რამდენიმე კვირა სჭირდებოდა.    თორაკოსკოპიული თიმექტომიის შედეგად კი ჩვენ,ა პაციენტმა  მესამე დღეს დატოვა კლინიკა.

ასევე ჩვენს კლინიკაში სულ ახლახან მეორე უნიკალური თორაკოსკოპული ოპერაციაც ჩატარდა. ამჯერად თორაკოტომიის გარეშე ახალგაზრდა ქალს შუასაყრის ზედა ნაწილში სიმსივნური წარმონაქმნი, ნევრინომა ამოკვეთეს. პაციენტი მესამე დღეს გამოჯანმრთელებული და კოსმეტიკური ნაკლოვანების გარეშე გაეწერა კლინიკიდან. 

თითქმის ერთი წლის წინ თორაკოსკოპიით განკურნებული ჩვენი პაციცნტები თავს კარგად გრძნობენ და მადლიერების წერილებსაც უგზავნიან დავით გიორგაძეს და ბაკურ არაბულს. 

                                        

 ნევრინომა კომპიუტერული ტომოგრაფიით. 

 

 

 

 

 

 

 

 

 

                                                                                              ">

 

საკონტაქტო ინფორმაცია

მისამართი: ქ. თბილისი, პოლიტკოვსკაიას 6გ
ტელეფონი: +995 32 212 20 02
ფაქსი: 32 230 45 04
ელ ფოსტა: medconsilium@gmail.com

რუკა